A ‘tesoira’ deixa sen axudas ás asociacións culturais

18 Out

Indicadores nas cubertas do Arquivo de Galicia, no Gaiás / DAVID LOMBAO

A tesoira volveu caer aberta da mesa e volveu impactar na cultura, desta volta, na súa base. Na mesma xornada en que o Consello da Xunta inicia formalmente os trámites dos Orzamentos Xerais de 2012 -unha xuntanza extraordinaria do Executivo dá este martes luz verde ás contas- o Goberno galego culmina un proceso que fará que os colectivos culturais galegos vexan o seu futuro inmediato un pouco máis costa arriba, se cadra tan empinado como as cubertas da Cidade da Cultura.

Cinco meses despois de tela publicado, a Consellería de Cultura vén de “deixar sen efecto” a orde que, ditada o pasado maio, aprobaba “as bases reguladoras para a concesión de axudas, en réxime de concorrencia competitiva, a fundacións, asociacións e institucións culturais que desenvolven as súas actividades en Galicia”. O montante económico que o departamento dirixido por Roberto Varela prevía destinar a estes subsidios elevábase aos 300.000 euros e a súa finalidade non era outra que impulsar o “funcionamento” destas entidades culturais e “a realización de programas e actividades culturais” a través das mesmas.

Ademais do impacto inmediato nas previsións de ingresos de asociacións e fundacións culturais, a anulación destas axudas adquire un duplo significado, tanto no económico como no político. No que á cuestión económica se refire, este recorte pode supoñer un avance do que está por vir, dado que dos 300.000 euros de axudas, tan só 50.000 correspondían aos Orzamentos de 2011 e o resto, 250.000 euros, prevían incluírse nas contas de 2012, as mesmas que a Xunta comeza a tramitar este martes. Xa no eido político, esta decisión supón deixar sen soporte económico a filosofía que inspiraba as axudas e que se incluía na súa convocatoria, isto é: “a defensa e promoción dos valores culturais do pobo galego”.

Xustificación do recorte

Para atopar a xustificación que se ofrece dende a Xunta para este recorte abonda con consultar o Diario Oficial de Galicia (DOG) de hoxe, no que a Consellería publica a correspondente orde. Sinala Cultura que é a “política orzamentaria” do Goberno, “que implica o necesario equilibrio entre ingresos e gastos”, a que fai “necesario efectuar un axuste”

Do mesmo xeito, o documento asinado por Roberto Varela subliña que “cómpre deixar sen efecto esta convocatoria de axudas” co obxectivo de “cumprir a normativa en materia de estabilidade orzamentaria e déficit público”. Dentro desa normativa “en materia de estabilidade” incluiríanse non só normativas xa rodadas no tempo como a Lei de Réxime Financeiro e Orzamentario de 1999 -que aplica o principio xeral de non comprometer máis gastos que ingresos-, senón tamén a recentemente aprobada Lei de Disciplina Orzamentaria, unha norma que constriñe en boa medida a marxe de manobra financeira do Executivo cunha filosofía moi semellante á da recente reforma da Constitución. Así, polo tanto, esta anulación de axudas en Cultura podería verse reproducida noutras áreas da Xunta cunha idéntica xustificación.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

A %d blogueros les gusta esto: